星期日, 11月 30, 2014

H100 -Day 95

前兩天有條友因為放便原故,比左尐野放係我度代為保管,今天約左比番佢。原本係叫佢去占攞,點知佢又話要食野。好啦,等埋佢,坐低就不停咀講講講,講到我都有尐怕。我真係極少同人食野傾偈會一路玩手機遊戲一路講野,今日終於要咁樣做,但都無影響對方不停口既習慣。我之前都同自己話左唔好比佢走咁埋,點知幫多一個忙又覺得賴野,真心覺得好長氣好煩。識佢時諗住介紹尐朋友比佢識吓,後嚟各種原因之下,話左唔會再比佢去我家,但係近來又不時講話想上我家探吓啲貓。次次都比我拒絕,但之後又要問,家下既人係咪對於被拒絕已經完全不當是一回事? 完全唔明佢既心態。

另一條友又係好煩,識左好多年,前陣子撞番,食飯飲下咖啡都係例牌動作。之後又叫我去旅行代買呢樣果樣,又話無咭叫我上網代買野。雖然有比番錢我,但心諗咁大個人,咪申請張囉,洗乜咁喎,又唔係用得果一次,個腦又係唔知諗乜架。仲話係外國大,又出過書,又拍過野。好彩,呢個上次話唔覺得想代買後就無再叫。今日佢瞋換左張相,又嚟同我傾,又話過兩個星期再約我食飯。我好怕拒絕人,但又真心覺得煩唔想見。心諗,真係咁好朋友既話,當年就唔會失聯啦。可能真係太仁慈,總係識到一堆咁既人。

今日無咩野做,終於開呢套劇嚟睇。好耐無追過劇,見另一尐朋友話好,所以睇吓。希望好啦。本來想試吓用新 ipad 睇,點知 file 唔 support。屌...

沒有留言: