H100 - Day 82

今日其實又係無事發生，都是工作做運動再回家。看看日曆，應該一整個星期都會是這樣，那麼我便要日日找些無無謂謂的事情記錄一下，其實都幾辛苦的。

做運動的時候遇到朋友，無無聊聊傾談時他忽然說...
A : 乜有人去左你家過夜呀?? 邊個嚟架??
B : 吓? 咩呀??!!
A : 你 FB 自己 post 出嚟既，你仲瞓緊時比人偷影嘛。
B : 所以話呢，你個人真係好天真又好傻... 自拍咋。
A : 係咪呀?? 咁都得??
B : 挑~~ 啱啱影唔到手臂嘛。
A : 係既話都影得幾似喎。
B : 家下我果隻貓專係瞓係隔離枕頭，果日醒左我放隻手過去，佢又放佢隻手係我上面。我即時都好想影，但我電話係另一邊，咁我咪落床嗱左再上床囉。原本諗住隻貓都走左去，點知佢唔郁，我放番隻手係度，佢又繼續擺上嚟，咁咪立即影囉。仲影左兩張佢先走開。
A : 唓，仲以為咁好有人過夜添。
B : 我都想，不過咁，家下啲朋友上我家坐吓都要簽証架，同埋都唔係次次批。仲話過夜喎，你估我屋企係免費旅館咩。
A : 嘿，好巴閉咁。你估會有人要去你屋企攪佔領咩...

琴日呀嫂比左一盒新鮮羅漢果比我，今日係公司試左一個。以前都係見過乾的那種，新鮮的好似印象中是第一次見。味道真的好甜味好好飲，乾的那種甜得來好假味。