H100 - Day 76

人生打擊無處不在，今日又受一野。

話說去占，換衫時隔離條仔都望望下。難怪既，變靚左有人望下都係正常事。因為之後要食中藥，所以便在做運動前先飲奶粉，在開奶時，條仔走來同我答訕。傾左一陣佢話仲可以留多陣，想同我一齊做教下佢，無問題。做左一陣，開始嚟料，同我講佢唔開心，話散左一個月，心情仲好忐忑。又嚟呢啲，近排單單都係呢啲。是旦啦，又同佢講一大堆廢話。

我 : 你都好後生啫 (其實佢個樣似四十)，大把機會
啦。
佢 : 都三十一啦，但對感情事都很少經驗。
我 : 咪係囉，慢慢嚟，我呢啲大過你都無你咁愁。
他 : 咁我見你都有四十尾五十 (WHAT!!!)，咁你都一定比我經歷多既。
我 : 係囉 (屌撚你啦!!!)....

佢做多半個鐘就走左，走前仲話得閒約我一齊做，可以教多啲佢。我頂你，咁多年無人話我似五十架!!!! 呢啲只可以係我自己講，識做既係唔會講出口架!!! 我係唔會同你做朋友架!!!!

話說哥哥要找出世紙，問我有否副本。找了一個晚上，終於找到自己的，但找不到他的。同時，也找到十多年前的我，都幾靚仔。我諗，係咪要整下對眼，唔戴眼鏡應該好好多。