星期四, 6月 05, 2008

好想要

晚上跟朋友去到二手店,原本有一只想買的,到最後都是放下來‧友人說既然沒有東西可買,倒不如去吃飯吧‧那我們便往門口方向走去‧那時,收錢的店員見我走近,便向我的招招手,我心想難到她以為我偷了剛在拿在手中的那只唱片,所以想看看我的袋子乎?

她:先生呀,先生‧
我:係~~
她:你呢,係咪上次那個想買只唱片,但係我地無標價,所以無得買那個呀?
我:吓?你話邊只呀?
她:那只陸家俊呀‧
我:Er... 係~~ 呀~~
她:我地標番個價啦,你仲要唔要呀?
我:Er... 九蚊咪買囉‧
她:哦~ 唔洗,五蚊啫‧
我:哦~ 咁一定買啦‧你又會記得係我既‧
她:我特登留番比你架,那以我見你好想買咁‧
我:Er... 係~~ 呀~~ 都想架‧
她:多謝五蚊啦‧
我:哦... 唔該哂你呀‧

出到門口,朋友笑了許久,說我己經給人家認得出來‧
專門買西碟的那一個‧
而且還要是 "好想買" 的那一個‧
真係醜到呢...

9 則留言:

匿名 說...

wahhhh so sweet

F4 說...

每個人都有一顆少女心.
你的就是對陸家俊的愛...

Ogake 說...

其實買D已經摺埋既歌手既碟係有D尷尬既~
我買陸家俊既時候,雖然無人認得,但係個感覺都係怪~~
我會估個店員咁諗:"乜呢個人咁怪~XXX都買既"...

9-up 說...

如果比陸家俊知道,他一定好掛住你, 仲好唔捨得你

匿名 說...

熟客仔。

下次再有平嘢一定留返俾你先。:P

naruto 說...

KEEP起D貨比VIP呀

Gary Lam 說...

其實買呢0的真係有0的尷尬架...
好似好瘀皮咁...
比人覺得你有特殊癖好咁
會比人當怪獸架
不過我都買得七七八八
家下好多時會介紹比其他人知
等多0的人認識吓~
哈哈~

anf 說...

真係體貼

見你咁想要, 梗係俾你啦衰鬼

小臭 說...

見到心頭好比想像中更賤價既感覺真好.