B : 無呀，覺得想換咪換囉，無咩特別。
A : 同埋見你答人答得咁風騷，咩事呀? 好開心咩?
B : 都 OK 啦~ 呢幾日個人忽然開心哂，心情好左咪答野都順尐囉。
A : 咁都好。之前見你相又唔影又無 update 都不知幾担心。
B : 唓，有乜好担心，總要尐時間去過渡架啦。
A : 你放張露肉相，想引邊個呀?
B : 無喎，呢張相已經 crop 左架啦喎，比張原圖你睇吓。
A : 哇!!!! 你 PS 過架?
B : 無呀，果日應該係效果最好既時候囉，怕好大機會反彈，咪影左先囉。
A : 你就好啦~ 咁都得。
B : 我只係 send 比你睇咋，如果流左出去，咁就一定係你啦。
A : 放心，我都係識得你地幾個基佬，有邊個好 send 喎。係呢，講番轉頭，做乜又會忽然開心哂既?
B : 唔知喎，果日咪去畫畫既，食煙時忽然間係 FB 睇到一兩句佛經既野，即刻成個人醒哂，我都唔知點解。跟住呢兩日成個人都好自在同好輕鬆，仲成日笑笑口咁添，不知幾好。
A : 哦~~~
B : 你知啦，好多野都只係差在拍唔拍中個制，拍到就會乜事都無囉。況且，你又唔係唔熟我，我以前都比人話過我涼簿底架啦，家下突然間開心番，又有得幾咁不可思議啫。
A : 咁又唔好咁講，尐人諗埋一邊啫。唉~~ 仲以為你有仔溝咁好添。
B : 家下直情可以唱 "寂寞的人有福了" 呀，幾中呀。你有人咪彈過嚟囉，我都想 keep 住有 散餐食吓架，得既話長散都唔拘。
A : 你咪裝番啲 apps 囉，大把你揀啦。
B : 睇相無性趣，出到嚟又可能唔同樣，寧願見真身。遲尐可能要掛番個招牌出去架啦。
A : 放心，你係 FB 答多尐人地尐野，你張大頭相出鏡多左，唔洗幾耐就有尐盲毛走嚟 add 你架啦，你洗憂...
B : 頂你...
係占某個器械上，見到呢個組件，覺得好得意。像是一個笑臉，又或是一對傻傻的熊貓眼。其實已是很久之前已見到，每次見到都覺得好開心。今日特意的將它拍下來，以記念我這段喪占的日子。之前訂下的目標已達到，之後要反彈都沒有問題，願望達成。
沒有留言:
發佈留言