星期五, 5月 30, 2008

返歸

A:嘩,乜你地舊時咁架?成日帶人返屋企架‧
B:出得來蒲呀,好多個都心靈空虛架啦,有邊個唔想夾番個番去過晚夜,況且又係自己住呀‧或者仲有機會睇吓有無得發展呢‧
A:嘩,咁點得架,隨便帶人返屋企,咁危險‧
B:吓?有乜咁危險呀,好多時都係咁架啦‧你驚人地劫財姦殺你咩‧
A:姦殺就應該唔會既,至怕係佢容乜易佢唔走架‧
B:點呀,係啦喎,人地唔返工唔洗見朋友唔洗食啦喎,一見到你就咁鐘意,頼死係你屋企乜都唔理只係見住你啦喎‧我地識咁多人呀,咁多年嚟呀,都只係得一個個案,第一晚帶左個人返屋企,之後就無再返過屋企瞓,十幾年都住埋一齊咋‧比你呀,恨都恨唔切啦‧
A:點知會唔會架‧就算係呀,咁人地咪知道我住係邊囉,容乜易呢個人第二時會無啦啦走上來我家襟我門鐘架‧
B:痴毑線~ 係既話呀,你就求之不得啦,至怕見光死,返到屋企開著燈,人地即刻走咋‧你咁驚呀,都唔知你點識人‧
A:咁識到人,都唔洗一定要同佢上床架,可以去吓街呀睇吓戲咁架嘛,唔係既咩?
B:係家下呢個世代,床上既溝通係成個 "識人" 既 "PACKAGE" 嚟架‧攪完一大輪去街睇戲談心,攪到好愛呀,到最後上到床先知完全唔夾既,咁咪仲死‧都真係唔知要定唔要好呀‧
A:係咩?我點知喎‧
B:又唔知..... 你仲有乜野係唔知架,一次過講哂佢....

7 則留言:

阿寶 Francis 說...

等閒行左過黎...一睇就笑到我出唔到聲~!!!!
呢個朋友A......請問佢今年貴庚...?
佢係咪喺深山住得太耐未體驗過"生活"呢?

casper 說...

(係家下呢個世代,床上既溝通係成個 "識人" 既 "PACKAGE" 嚟架) <---- 黎句真係冇錯, 成個對話黎句中晒piont!! 如果唔試過, 撞number咁點算??

F4 說...

我今次就支持朋友A了.
他始終有一顆小心的心.
下下都未愛先性, 始終都不太好吧.

匿名 說...

同樓上講:咁結果會唔會變成某友人咁,又無得性又無得愛呢?

志偉

naruto 說...

寧缺無濫都唔係錯嘅!

陳娃 說...

公道只在人心呀 ..

連個路過既都話你呀... 反省下啦

大家都係人.. 下下要有愛先性.. 會枯死架.. 會退化架

edward wong 說...

時代真的變了,但肆意濫交同永遠默守條綫怎樣割切?或者有些人是比較適合走得前,有些人是適合保留一點,反正後果自負。
只是當朋友看到你說要傳統卻又以直爽為包裝主演終極怨少女(不是美少女),同時又說要活在當下,便有點角色性格不夠分明,時而淑女時而蕩女,看得人頭昏了。
所以不是選擇什麽,而是受否言行一致,是有沒有用心去演和演技是否讓人信服。
當自己沒有搞活角色,朋友作爲劇評人的各種批評就來了,看似搞笑實為關心。