星期日, 5月 25, 2008

梗哂頸

A:前兩日覆診呢,我同醫生講呢,話我條頸好梗,又瞓得唔好,唔知做乜事‧
B:咁佢話你乜呀‧
A:佢話我緊張囉,所以啲肌肉收緊,所以咪會令條頸好梗囉‧
B:咁佢有乜建議呀?
A:佢話開啲鎮靜劑比我食下喎,等我既肌肉可以放鬆吓,咁就可以好啲喎‧
B:哦~
A:不過我話,我唔會食鎮靜劑架,容乜易我會變左依賴藥物架,我唔要架‧
B:吓?!
A:咁個醫生話比另一種我食喎,唔同藥但係相同效用喎‧食左呢兩晚又真係好好瞓喎‧
B:另一種呀,咪又係嗰啲類似既野,唔通佢開中藥比你食咩,白痴~ 比些少藥你食呀,無啦啦你就會變左係依賴藥物呀,咁全人類都係依賴藥物,佢慌佢比一年藥你食咩?! 咁驚呀,你以後有咳咪飲咳藥水添呀,小心好似以前啲飛仔咁呀,上左癮不停咁飲呀,跟住係條街度失控呀,你估你家下食白粉咩‧
A:我點識喎~~
B:點呀~ 呢啲洗唔洗識呀,你諗下之後點樣令你自己放鬆好過啦‧

8 則留言:

匿名 說...

又是佢.... @@

naruto 說...

三篇個B係同一個人?
條頸好梗,又瞓得唔好。。。打場波游吓水有用架

edward wong 說...

林生0既怪朋友有好多架,只不過我就唔夠怪,唔會同拒有D0甘SM0既對白,所以上唔到榜(千其唔好呀!)
特別表揚林生0既文章新風格,字字鞭撻,句句0叕核。

Gary Lam 說...

可能係我既人怪啦~ 所以物以類聚...

小奧 : 你又唔好咁 SURE 一定係某一個既, 不過, 佢都好 INSPIRING 架, 真係你估佢唔到...

NARUTO : 你既意見我諗佢會睇到既... 不過信唔信, 同會唔會以懷疑既心態去對待就真係唔知啦.

黃先生 : 真係難得你得到你呢0的撚字獸去讚賞, 真係榮幸呀... 你要上榜既, 我會多多留意. HAHA

F4 說...

係你個朋友先天下峙憂而憂呀.

陳娃 說...

你唔好以為你留左言.. 人地就會覺得係第二個人先得架 ..

好明顯架啦 .. 大家都知係你架啦

naruto 說...

to Willy:
多謝貼士,收到

匿名 說...

你唔好以為你留左言.. 人地就會覺得係第二個人先得架... hahaha poor him