健健不是天使(十三)

健健不是天使(十三)
荒唐

A : 我一見到你張相就想笑‧
B : 屌啦~ 不知幾靚仔呀‧
A : 究竟嗰時有無人嚟溝你架? 你個樣咁七‧
B : 頂啦~ 嗰時係我最多人溝既日子呀~ 真係要邊個有邊個呀... 啦星!!
A : 哈哈~ Are you sure?
B : 今時今日睇番，當然好嘔心啦‧但係十幾年前，呢個樣都係叫做幾得吓架‧
A : 睇落好似呀 "XXX" 呀，尤其係個笑容呀‧
B : 呢張都唔係好似囉，以前有啲仲似~
A : 咦~ 咁你嗰時呢，有冇見一個上一個先?
B : 嗰段時候呀... 唔… 點記得呀~
A : 我覺得年輕真的要荒唐過先好‧否則老了就浪費了.
B : 咁我都算有過荒唐既生活既...
A : 荒唐生活...? 點荒唐發先?
B : 去蒲囉，一個星期蒲幾晚喎‧如果要攪既，都有啲人既，不過又未至於好似你咁諗不停咁有...
A : 蒲唔算荒唐啦，係咪呀... 我末識你地呢班朋友之前，咪又係一個星期蒲幾晚，不過那陣時都只係同同事去蒲‧
B : 唓~ 一定要攪性愛先係荒唐既咩~
A : 以我既睇法，一定要係攪性愛先至可以叫得係荒唐囉‧否則都唔可以叫荒唐‧
B : 亂攪性愛既 term 係叫做 "濫交" 呀，白痴‧
A : 如果成日去到夜一夜就叫荒唐呀，咁我都己經荒唐左十幾年啦‧我係大學既時候呀，咪晚晚都係玩玩玩啦‧
B : 我覺得 "荒唐" 係過一些不是一般大眾所過既 routine 生活囉，仲帶有一啲沉迷既因素囉‧
A : 吓? 過一些不是一般大眾所過既 routine 生活? 我從來都無過過正常生活喎‧
B : 你既 “荒唐” 只係框左係性生活度咋喎‧
A : 係呀… 哈哈…
B : 唉~
A : 話你知，我十五歲開始呀，我就晚晚玩到零晨三四點先返歸啦‧
B : 咁呀，你屋企人咪覺得你既生活好荒唐囉‧
A : 或者啦‧
B : 咁你覺得呀甲家下既生活好荒唐丫?
A : 我又唔覺呀甲係荒唐喎，佢都係飲吓酒呀，都 ok 啦‧因為我唔覺得自己荒唐，所以呀甲都唔荒唐囉‧
B : 咁如果有個人成日去滾，好似你咁話亂攪好多性愛啦，但係佢又日日好正常咁上班下班早睡早起... 呢個人又係咪荒唐呢?
A : 唔… 我會覺得荒唐係同性有掛鉤架囉，所以如你咁計既話，呢個人係荒唐架‧
B : 我諗… 我既睇法係，荒唐係一般性嚟講，同一般大眾既生活有點不同... 應該係話，人地既生活係某程度上無節制，或者係沉迷咁做一啲野，而呢啲野係大眾嚟講，係對自身無益既事‧所以，可以係包含左唔不同既喜好，例如好似你咁講既不停亂咁搵人攪性愛，可以係荒唐‧不停日日都要去蒲去飲酒， 又可以話係荒唐，甚至成日係咁不停買野，都可以係荒唐‧係 "荒唐" 之下，可以包羅萬有‧我咁諗唔知啱唔啱呢…
A : 如果以你咁講呀，我己經係一個荒唐既人啦‧Oh my god...
B : 我覺得荒唐可以講為係縱慾既... 你個人根本就好荒唐啦，你只係未恨到可以得到有 "亂攪性愛" 呢種荒唐之嘛‧
A : 唉~ 等我仲成日以為自己過既係 normal life 添，哈哈哈… 你所講既 "你個人根本就好荒唐啦" 呢句野呢，真係令我覺得好光榮呀...
B : 係呀，你個人真係好 "荒唐" 架‧我就唔同啲，我就比較 "方糖" 啲，幾甜呀!!!
A : "方糖"... 屌你！