H100 - Day 34

係唔同既 Whatsapp group 內，每一日都有人 forward 一啲唔同政見或者係反佔中的文章出來，睇到眼火爆。首先，我都係唔得果三個佔中三子既，佢地由講左一年咩野都做唔到，推遲又推遲，好煩。最後睇到人地個劫頭勁好，又話要提前佔中，跟住又話要教人做呢做路，真係唔該哂。人地家下攪學運，真係關佢叉事咩，唔該收皮吧啦。我朋友講得啱，佢地三條友，跟本請番嚟係要化左社會既怨氣既，等啲人既怒氣磨蝕哂，到時真係佔既時候又無乜人，咁咪又比政府是是旦旦過骨囉。講番轉頭，係 group 入面，叫做好朋友果班我都唔出聲，費事嘥和氣。但係親戚果個就真係想開佢地片。之前都已經好溫和咁解釋，但都係繼續咁傳，煩到不得了。我諗我應該會有一日叫佢地咪撚再 send 出嚟，大家唔同見解費事開片。另一個舊同學既 group 都還好，叫做理性討論，不過都係聽唔入耳架啦。咁當然，一列出政府既錯野同衰野，因而點解要去爭普選同叫條仆街走，啲人就無哂聲出。諗諗吓，都係要寫訂張 list，費事次次打。

今日原本大家都緊張，怕集會會有咩野事發生，因為大家都覺得都會係呢一兩日清場，況且政府無理由會比件事攪咁耐同霸啲路咁耐。但到左一點都無事，所以走先。希望唔會係有咩野事啦。其實，自己最大既疑問會係呢單野點收科。只係落台又唔得，要收回上面又未必肯答應，會唔會落台加重新資詢 hea 住啲人先，起碼可以市面回復正常運作。天曉得。如果有咩事發生，住得咁近，點都要仆落去。