B：咁一定有我既原因架啦‧
A：咁即係咩呢？請問‧
B：向外界供報咪係話自己又懶又無咩野寫，又唔想放係度好似孤兒仔咁無人理，又費事比人追交卜，咁咪封左佢囉‧
A：嘩~ 你以為你係邊位呀？比人追交卜，你估你個卜真係好多人睇咩‧
B：哈哈~~ 咁真係比人追交過嘛，雖然只係一兩次，咁點都可以叫做比人追交囉‧
A：OKOK~~ 多謝哂！咁... 其實實情係咩呢？
B：好多時，事實既真相都係好醜惡同埋估唔到既~~
A：咦~ 咁我好想知喎...
B：都話左係醜惡架咯，乜你認為我會話你知咩！
A：唓~ 好架勢咩... 既然咁醜惡呀，咁又做咩開番呢？
B：咁當然仲有其他既 hidden agenda 啦‧
A：吓？又有 hidden agenda？一個卜咋喎，洗唔洗好似咁複雜咁呀？
B：你唔明架啦~ 係成年人既世界，係會有好多其他人諗唔到既野架啦‧
A：咁做咩又 delete 哂以前啲文章呀？
B：唔想比人睇番囉‧
A：乜你覺得你既過去唔比得人睇咩？
B：我想重新開始，重新做人，我唔要回望我既過去，咁得唔得丫？八婆！
A：得得得... 咁你既過去，又將會係一個謎.....
B：IN-TER-EST-ING.........
A：羅蘭首歌，新收到架，有無聽過呀？
B：有呀，不過好似爭咁啲啫......
謎女皇 - 羅蘭
9 則留言:
歡迎女皇回歸!
好野我係第一個子民留言, 好光榮呢.
welcum back kin kin
but cant listen to the song, still processing?
好開心可以再睇番呢個卜呀~我已經將以前d重要既圖片cap起左, 好笑既內容記低左, 大家一齊展望將來啦~
Welcome back, 期待你更多爆笑嘅內容.
好囉！開番囉！
等緊睇下一篇，算唔算追交卜？
嘩，Kin, 你終於開番個Blog啦。Con-gru-du-lat-tion!
羅蘭姐首歌拱正既，你自己攪架？
Jun
哇~ 洗唔洗 cap 起左呀... 好驚喎...
首謎女皇... 係人地 send 比我既, 係邊個做既我都唔知... 我又點會識得玩 remix 丫....
Welcome back ar~
你唔使寫野架 .你開番個卜就得架啦
嘩！
你服出呀！
發佈留言