一世我也要考試

A：喂~ 考完試未呀？
B：考完啦~ 衰撚哂呀‧
A：吓？咁慘呀~
B：係啦~ 諗住佢會出既題目又無喎，出哂啲動詞變位，我都唔識‧
A：吓~ 呢嚟好似係一開始就要讀架啦喎，咁都唔識‧
B：唔識咪唔識囉，我都無記到，平時都無特別溫‧
A：咁... 呢啲係你問題啫，你自己唔讀，咁無法格‧
B：我知，我都無話老師出得深‧基本上如果我平時有溫吓，同埋記哂啲書有講既最簡單個十幾個動詞，再加埋今次要考既嗰堆生字，咁就一定無問題既，仲會可以好高分添‧家下如果拉車邊可以合格都偷笑囉‧家下寄望寫野嗰三題可以攞多些少分數，咁合格機會都大啲‧
A：你覺得自己寫得好好咩？
B：唔係喎~ 不過應該點都有啲分咁囉，我用哂最簡單既野寫，應該未必會好多大錯‧
A：哦~ 咁祝你好運啦‧
B：我都想... 家下咁樣，我都唔知好唔好報中級課程好囉‧
A：乜你唔係讀哂架啦咩？
B：係呀‧原本係得個初級既，點知上一堂老師話最新開左個中級，只係呢個初級完在後三個星期就開始啦‧
A：如果係既話，咁又要讀幾耐呀？
B：又係三個課程，共年半...
A：嘩~ 又咁耐既...
B：係呀~ 不過唔讀既話，咁以後就未必會再讀囉，唔通又由 101 開始過咩‧
A：但係你又話會唔合格，咁點呀~
B：唓~ 唔合格咪由得佢囉，無 CERT 之嘛，又無話唔比報中級...
A：好心你啦~ 係讀就讀好佢啦，咪再報番考好佢囉，有張証書嘛‧
B：嘩~ 二千幾呀，又再讀過呀~ 好慘架~
A：咁話哂可以擺番張 CERT 嘛...
B：咁我自己溫番書都 OK 啦~
A：errrrr.....
B：睇下合唔合格先再講啦...