吃得很清淡

話說友人甲家中無人，而他自己又有空，於是打算邀約兩三位朋友到他家中玩煮飯仔，我有幸在被邀之列‧後來越玩越人多，在人流控制之下，終於都變成了 Table for 6‧

我是第一個到步，友人甲便對我說今天煮些簡單清淡的東西便是了，在家煮吃便要吃健康點，我當然舉腳讚成‧到了朋友乙到來，他們便到廚房弄食物去，間中聽到他們都為著那一種煮食方比較好而在叫囂‧於是，八掛的我便到廚房了解情況‧

甲：今天會有滾水煮西蘭花，瑞士汁雞奕，仲有白汁長通粉呀‧家下可以開始整通粉囉‧
乙：你打算點整呢？焗啦，好吃啲呀‧
甲：係咪架？... 我打算整得好簡單喎，成包長通粉己經整好左架啦，開左呢三罐白汁煮溶佢撈埋一齊就得啦，我平時都係咁樣煮就一日晚餐‧
乙：吓？三罐？咁多？兩罐就得啦‧
甲：係咪架... 兩罐汁液唔夠多呀，一陣整到乾爭爭咁呀就唔好食啦‧我平時都係開三罐先夠好味既‧
乙：嘩！一包通粉便要三罐金寶忌廉雞湯，離譜唔離譜呀‧
甲：好多咩？我點知喎，我平時都係咁樣整既‧
乙：有無芝士呀？
甲：當然有啦，家居必備呀‧笑牛牌芝士，它是我每朝早的早餐呀，不知幾咁健康呀‧
乙 & 我：吓？！每朝早都吃一大磚芝士？
甲：是呀‧健康嘛...
乙 & 我：食撚死你呀！
甲：吓？係咪呀... 唔係好健康既咩？我點知啫‧

於是，那天晚上我們便吃了很健康的超濃白汁液加兩磚笑牛芝士長通粉為主菜，但對於健康的定義，原來我們各人都有不同的體會‧朋友甲以為朝朝吃一大磚芝士便很有益，有空在家煮飯一次過三罐金寶湯便很清淡，嚇得大家半死‧我和朋友乙都叫他立即戒掉如斯的餐單，相信有空還要灌輸正確的食知識給他，以免他甚麼都放入口‧

這個飯局當然有得著，話說自己這個星期都受著喉痛和咳的糾纏，只是小小的不停有小痛和小咳‧朋友甲在我一到便著我快快把他家中的三枝紅酒幹掉，免得不知要到何年何日才可以飲得完‧原本都在考慮要不要飲的，因怕會加深病情，但好酒的我終於都不理那麼多，開了兩枝，我自己飲了大半枝‧到今天，病情竟然好多了，真神奇‧所以呢，我一直都說，酒精殺箘呀，有病飲一些或許有效呀‧