星期二, 12月 16, 2008

窄左

今日去左覆趁睇 X 光片,醫生說一如他所預料‧

醫:窄左啦‧
我:即係咩呀?
醫:呢一度呀,第五同第六節既頸骨呀,比起其他,相隔既空位窄左呀‧
我:係喎,咁即係點呀?
醫:所以咪個頭一向後仰,頸椎呢兩舊骨咪點到,咁咪影响到神經線,而隻手咪扯住囉‧
我:哦‧
醫:呢啲位置老化都係正常既,不過係你呢個年紀就少見啲‧
我:吓?係架?老化?
醫:係呀‧同埋你條脊骨又比較奇,一般人條頸係有個弧度,同埋個背脊都係有個弧度既,即係成 S 形‧但係你條頸又係直既,你既背脊又係直既‧直上直,咁啲力咪去哂個頸椎位囉,咪會快左老化囉‧
我:咁會唔會同我既坐姿有關架?
醫:梗係有啦,你返工坐得衰,咪加重左個位既負荷,咁咪快啲有咁既問題囉‧
我:哦~ 不過我都己經改緊我既坐姿架啦,好似好啲咁‧
醫:咁都好啲‧
我:咁家下可以點呀?
醫:我會同機械幫你拉番開佢,咁之後你做番啲強化既運動,咁就應該無事架啦‧
我:咩強化運動呀?
醫:你做 GYM 架,咪好似做膞頭既蝴蝶機呀,做呢種有幫助呀‧
我:哦~ 咁我仲要睇多幾耐呀?
醫:睇多兩個星期左右啦‧
我:日日嚟呀?
醫:咁唔洗,隔一日或兩日啦‧你出去同姑娘約時間啦‧
我:哦‧(心諗,呢筆錢夠我慳慳地洗兩三個星期啦喎‧頂~~)

請善待老人家,得閒可以損款給我睇醫生‧謝謝!

6 則留言:

edward wong 說...

到0左年尾,D十大世界新聞,最佳演員獎項等等,個個就要爭取鎂光燈,唔想都無法避免。
0係呢個標簽模糊0既年代,蛇女原來是‘直在骨子裏’。
怪友列傳0既編輯,榮登怪友榜上。
。。。補一句,我相對之下都唔係好怪0者,請編輯高擡貴手。

Gary Lam 說...

頂你~~
我家下係身體既狀況有問題, 竟然無拉拉話我係怪友...
講明係怪友, 一定係其他人啦~ 點會話自己既0者...
黃生, 你放心, 你一定有機會既...

匿名 說...

我而家都在睇物理治療,我係坐骨神經痛,醫生話我第四同第五窄,岩岩前你一舊骨。

但係,我諗我個醫生比你仲貴,因為呢間係全港數一數二巴閉又貴既--係方津生開既骨科中心...第一次連埋照片收$1,500, 每次物理都收$450,死未...

好在我可以claim保險,唔係真係跳樓都唔掂。

佢係乜野醫生呀?不過似乎佢既斷症都正確。

Unknown 說...

oh睇錯,我係第四及第五背脊骨,唔係頸骨...

naruto 說...

保重呀!錫住自己,重有幾十年路行呀

Sun Sun 說...

Your mouse feeding is very funny ar!!!