Bu 嗡煩班周

有個朋友好迷信，有啲咩野事都會話... 唔講你知住，怕細路仔小氣呀‧但每每到事件通天後，四周朋友們來個夾口供，都會話... 呢條友仔，又叫人唔好講，但係次次都係佢自己一個講哂比咁多人聽既‧

我個人一直都係好口密既，唔會事事都攞出嚟講，但係應講就會講，又唔怕話小氣咁既，況且係好事‧

話說同事們都將五天工作掛係口唇邊，終於有一次比大老細聽到，佢就話我地唔比議見書佢，咁邊有得好講呀，唔通你地班友仔咩都唔洗付出就有五天工作呀‧經過一輪初商以後，終於今日大家開會有一個共識，返 845 放 630‧其實都算係咁架啦，以前只係我地公司制度比較寬鬆啫‧一直以嚟話就話番 9 放 6，但係因為要到 930 先開始罰錢，所以個個都係返大約 930，咁放工時間就順延到 630‧到左將來返五日，咁就變左一到 846 就開始罰錢，但係實質啲咁計法，只係比一般公司返早 15 分鐘，而放工成日都會係有遲無早架啦，所以無所謂‧

我諗我老細唔會咁少氣，講完唔算數既‧不過，點都要到出年一月一日先可以返五日，都只係仲有幾個星期啫‧學似關生咁話：成個香港好可能得返你公司返五日半架咋‧我諗唔係成個香港既，只係我身邊所有既朋友啫‧終於可以見到岸啦，多謝‧