得閒食飯

A : 喂~~~
B : 喂!! 伯母你好呀.
A : 得唔得閒呀? 想同你傾兩句啫.
B : 得呀, 有咩事呀?
A : 無呀, 我只係想特意打個電話比你, 同你講聲多謝咋.
B : 吓? 多謝? 做咩多謝呀??
A : 哦~ 其實真係好開心, 你都得閒就約我同我地食餐飯. 雖然都係見吓傾下偈, 但係真係感受到份你地份心意囉.
B : 哎也~ 唔洗咁嚴重啦~ 我地啲後輩同你地食吓飯見個面係應該既. 我地都做唔到啲咩野, 咁都係找個機會大家見吓面傾吓偈啫. 如果次次都要講多謝呀, 咁咪好麻煩囉... HAHAA...
A : 咁都係吖, 有份心意先得架. 同埋我地見到你地, 都真係好開心架. 雖然每次都有新舊朋友, 但都好愉快呀.
B : 開心就 OK 架啦~ 唔洗講咩多謝架啦~ 況且我地都想間唔時見吓你地嘛.
A : 無既, 都係好想表達吓自己既感覺啫.
B : 哦~ 放心啦~ 我地見你心情都好番就放心囉.
A : 家下都幾好啦~
B : 係呢, 我係食飯時都無問, 你家下平時都幾好吖嘛?
A : 哦~ 都算唔錯咁啦~ 有時有野做吓, 有時又同朋友出吓去咁, 仲會同世伯返吓大陸, 多啲時間專注係其他方面, 咪唔會成日諗囉.
B : 咁都好既, 咁大家都放心囉.
A : 咁件事一年都未有, 又點會無事吖. 好似大家咁話, 點都要生活落去架啦, 咁咪多啲野做分散吓注意力囉.
B : 都明既, 我自己都唔可以話好似無件事, 更可況你地做父母既呢.
A : 都係咁講啦~ 佢都算好架啦~ 有你地啲咁好既朋友係身邊, 同埋過得咁開心.
B : 咁... 都希望係啦~~
A : 開心既... 好啦~ 我真係唔左你啦~ 主要都係同你講聲啫.
B : 唔左唔左~ 咁你早啲休息啦~ 我地遲吓下個月再約你睇吓幾時得閒呀吓~
A : 好呀! 咁遲吓見啦~ 拜拜~~
B : 拜拜~~