帶你上 UFO

有人肥四因病停寫 blog 多月，近來因要練習打字，所以再次有新 blog 更新‧更為著收復過去數月在部落格的失地，挽回舊日 "人氣之星" 的美名，不惜一切的以歌詞表心意，難得是詞人合一，令人感動‧

看著詩意的詞，令人創意大增，特地為他選了一只相片加工‧希望各位愛護肥四的朋友，下載並設成桌布，令感動傳揚下去‧多謝‧
十~
九~~
八~~~
七~~~~
六~~~~~
五~~~~~~
四~~~~~~~
三~~~~~~~~
二~~~~~~~~~
一~~~~~~~~~~
零~~~~~~~~~~~

繼續跳舞

話說晚上無無聊聊，找找家中的 VCD 看看有否好看的，終於拿了 1988 年的 "繼續跳舞" 出來看‧主要原因是因為甘國亮編劇導演，還有謬騫人主演，當年她也曾以此片提名女主角‧除此以外，己故的黃霑和祥哥都客串一角，還有當年仍是少女的 "蓮教聖母"，飾演一位神經有問題住在精神病院的女學生‧哇~ 蓮迷們，你們儲了沒有？

其中還有當年還未是香港金像影后的李麗珍客串一幕，話說作為第三者的李麗珍，當時己經懷有曾志偉的骨肉，在餐廳要曾志偉去跟未婚妻謬騫人說個明白，而曾又不知如何是好時，有以下一段獨白：

"由得我孤身走我路啦，帶住肚裡面你既骨肉，走到天涯海角，隱姓埋名，躲係柴房裡面食住啲豬糠，捱住風吹雨打，將佢生落嚟‧然後抛頭露面，係嗰啲三流既夜總會做歌女，晚晚對人歡笑背人垂淚，含辛茹苦咁將佢養大，養育佢成才，等佢成為一個出色，最傑出既私生子‧"

不知這些五六十年代經典的弱女牌佼佼者腳色，到今天還有否人受落呢？我覺得她那毫無表情 "擺明昆你" 的表情很出色哦‧如果有緣，大家可以找來看看‧不管如何，舞要繼續跳！

後記：
發覺家中的 VCD 和 DVD 已多得很難找到，花時間外，也不知有些片子買了沒有‧所以繼 CD 紀錄化後，將會開始整理一下自己的影像系列，分類以外，還會做記錄‧又開始有得忙了‧

誰來獻唱?

今日關生提出一個問題，那年悉尼奧運有 Kylie Minogue，上次雅典雖然沒人曉得他們任何歌手，但都請了外援 Bjork 獻唱，明年北京奧運，不知會有誰呢？討論過後，可能會有以下幾個選擇：

李坟：多不多人識得沒要緊，至少她在奧斯卡大會出獻唱過‧

朱哲琴：當年的 "阿姐鼓" 令西藏聲音得以在海外發揚光大，況且都是唱得之人，總有一點代表性‧

韓紅 + 刀郎：外國無人識得佢地，但係唱巨肺式山歌，仲要全世界都同時收看，相信不會失準的‧

劉德華：在華人社會紅了那麼多年，而且他還有一顆 "中國心"，而且唱腔亦帶有中國國寶 "戲曲" 味道，還可以一面唱一邊表演變臉，同一時間可以滿足商業、藝術和國寶三種口味，不失為一個上佳選擇‧可措只是差在不是太多外國人識得他，

梁朝偉：拍王家衞令歐洲人認識他，相信經過 "色‧戒" 後，美洲方面都會有人認識他‧況且他以前都出過唱片，雖然不是好聽系列，起碼出來有人知他是誰囉‧

周潤發：國際影星，好多人識，雖然只是出過一只大碟和一只單曲，但成名歌會令全世界認識整會八十年代的 Canto Pop‧

成龍：呢個不用多說‧又打得，又出過唱片，又多人識，唱腔又有古典味，又上過奧斯卡‧

真的很難選哦‧請大家來投吧‧

肥四情況報告 - 完結篇

他上星期六開始己經可以回家住了，亦都結束了三個月的漫長醫院生涯‧

雖可以回家，但每天早上仍要回到復康院做治療，己於要做到何時則未有確實定論‧

在他回家以先，醫生帶給他一個好消息和一個壞消息‧好的是上次所說的那個三毫米的泡，在醫生重新細看照片後，確定這不見了‧壞的是，在上次做手術的位置附近，"好像" 多了一個一毫米的泡‧肥四告訢我時，只說一句 "黐撚線架"‧不過一毫米比三毫米的好，況且他都看開了，都沒所謂，不影響生活作息便可以了‧

下午收到他傳來的 SMS 說：今年第一次下水 -- 做水療‧好玩好開心哎‧

從肥四入院以後，這三個月來我都在醫院進進出出‧不是因為經常去探肥四，卻是有朋友和公司老闆都也在這段時間因病入院，更有是朋友的親人去世，不愉快的事都在發生‧

世事無常，要多多保重‧

肥四情況報告 (十九)

首先要講回一個月前的時間‧

那次醫生要他再多照一次磁力共震，看看腦內手術後的情況‧照過後基本上手術沒有甚麼大問題，但是在腦部內的另一個地方，卻發現了一個陰影，約三毫米‧醫生說不知是甚麼，有可能是手術的血塊還沒有清理掉，如是這樣的話，過一些時日會自行消失的‧又有可能是起了另一個血泡，如果是這樣的話，這血泡的位置可能會影響到聽覺‧聽到這個消息，個個都會担心，但是醫生說要多等一個月後才再照一次血管圖，以確定身體血管還有否其他事‧

在過去一個月間，他除了勤做治療以外，便是留意著有否像以前般頭痛，或是正常那邊耳朵聽覺有問題等等‧上星期他終於做了血管圖，醫生亦確定這是另一個血泡，但可幸是沒有任何擴大的跡象，既然這個泡沒有影響到他的身體，所以只好不去埋會它‧但約每三個月便要照一次，以確保它沒有發大或造成任何危險‧相信他的心態是，既來之則安之，有些事是人力不能控制的，沒甚麼可以做，以後加以小心便是，也沒有担心太多的必要‧

星期天跟他和一班朋友去金鐘 Cova 喝下午茶，各方面都是仍在進步中‧我們都說他頭髮長了，他說想長長一點，去剪木村拓哉在今期雜誌封面那個檸檬樣髮型，祝他好運‧以現今的情況，他應該在不久的將來便可以回家休養‧

探望

星期天的早上十一時多仍懶左床上，半睡半醒的做著各種不同的夢‧

見到母親坐在床上，跟我說著話，但內容卻一早忘了‧只記得我是拿著一本筆記本子，本子內是自己所做的一些筆記，而她卻是一直的給我解說一些病的病徵‧我看不清楚她的臉，應該說她的臉像模糊一片的，但感覺告訢自己那是她‧

記得年輕時，這種手腳麻痺，身體又動不了，叫不叫不出的感覺經常在睡的時候纏繞著我‧小時候我也有想過是不是 "鬼壓身"，但後來習慣了，又總覺得是自己的睡姿問題，開始沒多理會以後便改善了下來‧現在己經很少有這種感覺發生了‧那個早上，身子轉了一轉，可能又是睡姿的問題，手腳又開始麻了起來，動不了又叫不出‧半開半合的眼在矇矓間看見半開的房門外見到一個黑影行過，我出力的地叫了起來，雖然我知自己只是喉部發 "依依哦哦" 的聲響，但其實我是在叫 "媽呀，拉我起來吧！" 又是憑感覺，我知經過房門外的是我媽媽，雖然那只是一個黑影而已‧

很久都沒有夢見她了，以前夢見她都會見到她的臉，這是第一次沒有在夢中看見她的樣子，但她感覺卻在‧身體慢慢的回復正常，坐了起來，想想這短短數分鐘的感覺，沒有害怕，很平靜‧

你會點楝 (續)

上次開設的投票欄己經結束，得出的結果如下：
葉太：34% (19)
陳太：60% (33)
棄權：5% (3)
雖然陳太宣佈參選時風頭甚利害，但其實實際情況她也不是必勝的，且看她們兩人在剩下的時間的表現如何‧

其實，這一次補選，會不會是象徵意義大於實質用途呢？晚上跟友人談及選舉事宜，內容如下：

健：你為何會打算選陳太呢？
友：其實葉太同陳太，無論背境同政綱，又或者之前對社會做過既事，有好有唔好，亦都好多地方相似‧我覺得，如果係泛民支持葉太，建制派支持陳太，都未嘗無可能‧
健：但係阿爺唔鐘意陳太嘛~ 因為乜事呢?
友：阿爺鐘意一個人，只會有一個條件‧聽話，唔好有主見‧
健：傀儡
友：無錯‧不過我又覺得唔係葉太聽話，而係佢無乜做啲同中央有唔同意見既事啫‧
健：但係佢係廿三條又好出力好賣命‧
友：因為當時佢係保安局局長嘛‧所謂局長，因為職能好清楚，只要做好本份已經比人覺得做得唔錯‧但係政務司呢個位，個職能範圍太大喇，好易會吃力不討好‧
健：咁普選係咪咁重要呢？
友：普選既原意，係想在位人對整個社會負責，而且仲係政黨政治會比較理想添‧
健：咁普選其實都係選政黨喎~
友：好似香港咁，董建華做成咁，之後話腳痛就可以甩身，孑然一身‧相返你睇下日本或者英國甚至美國，如果個首相/總統做得唔好，成個黨都會比佢拖跨，就話邊樣責任重啲喇‧最緊要我會覺得，特首如果只係對自已負責，無長遠負擔，點都唔會做得好做得積極‧而家最慘係政策係由上而下，中央想點，特首同埋班司局長就執行，但係香港而家做政策研究既人又唔多‧
健：咁其實今次選邊個出來係咪都係無乜分別呢~
友：其實係架‧不過民建聯就擺明車馬係中央隻棋，仲係懶過醒目既卒仔咋‧其實我覺得中央都唔係話唔講理，之但係中央未有態度，班民建聯就懶醒放定風做定野，都有好多次係衰左啦‧中央都知民建聯係乜料架喇，叫做比少少甜頭養到班奴才啫‧
健：你既意思係，其實中央都無話一定唔聽陳太講野？
友：無錯‧兩位呀太都係無乜地區工作經驗‧但係而家係選立法會議員呀，立法會議員係負責完善法制，立法架，唔係攪荔枝團，海鮮團架嘛‧做到政務司，唔多唔少都會有番少少人脈，唔一定識得大粒先至有用，有時識到啲黑馬仲 work 啦‧
健：咁地區工作經驗關佢地乜事呀~ 同埋，中央比左啲乜甜頭佢地呢?
友：立法會議員就關係實在唔大，只不過係地區工作可以增加暴光率之嘛‧你唔覺得係大陸有生意個啲人通常都係支持民建聯咩？中央未係提供少少渠道比呢啲無良商人囉‧中央比少少面子比民建聯，上到去啲縣城啲小官未會更加俾面你囉‧係大陸做生意，最緊要係乜吖?
健：陳太同葉太佢兩個既分別又係乜呢~
友：欣賞葉太，因為佢好堅持‧如果佢主張立法最低工資，我諗佢會硬淨過陳婉嫻‧之但係萬一佢堅持既野唔係好多人認同，咁就會好大鑊，好似廿三條立法咁‧陳太就好想做到面面俱圓，之但係佢咁諗法係政治舞台上就未免太天真，但佢個形象就可以做到安撫群眾既功效，即使法案唔係大部份人支持咁通過，佢可以做到安慰市民既功能，對社會穩定好有幫助‧
健：我都覺得佢呢樣野好得，好多時候就係要一個咁既人出面，就可以化左好多事去‧好多時，我地做市民既，都係求個心安啫‧
友：講真，即使做保安局局長，都可以唔駛咁 hard sell‧低低調調咁唔覺唔覺咁過左佢未得囉，唔駛咁高調咁去 sell 嘛‧佢係廿三條雖然形象好差，之但係就表現佢死都要撐既大無為精神，如果用係其他政策上，佢可以話絕對係激進派，甚至可以同劉慧卿一齊玩串個 party‧
健：點玩串先~
友：佢可以一針咁寥起建制派啲利益衝突，等啲人無聲可以出囉，亦都無野可以做囉‧講真，如唔係葉太，民建聯係廿三條度都唔駛做得咁樣衰‧
健：有乜利益衝突？
友：廿三條立到法，民建聯可以向中央邀功嘛‧
健：係呢~ 你原本做乜要選陳太，家下又做乜動搖呢？
友：我有個陰謀論，葉太當年就係想激起民憤，所以有咁既言論，目的係想玩謝建制派‧
健：我其實一直都有諗過，葉太當年做得咁衰樣，有少少腦既人都會諗一定會有民憤，咁佢其實係扮醜人做好事呢？但當然呢啲野我地永遠都唔會知‧
友：因為我想陳太可以團結泛民，唔好似而家咁一盤散沙‧即使各黨派各有主張，都可以有無間合作啫‧當年廿三條，簡直就係一面照妖鏡，邊個係瞎，係個係騎牆，一目了然‧
健：真係要學佢咁講呀~ 放長雙眼睇~~
友：總之今次補選邊個得邊個唔得都好啦，出年換屆個陣就一定做到，到時睇下陳太會唔會再接再勵啦‧
健：關生話陳太講明 08 唔玩架喎~
友：陳太呢樣野就唔係好得喇，佢一個月之前都話唔會參加補選o架‧而且淨係做八個月議員，點都講唔過去‧今次選到，下屆就話唔玩咁就唔得‧
健：真係唔知‧
健：係呢~ 我想放左呢啲對話上 BLOG 喎，OK 否？
友：無問題‧不過要講明係個人意見，各方消息同澺測都係無可靠消息支持既‧
健：係係~~~