灰姑娘

灰姑娘出身不俗，也有正當不錯正職，但自身性格頗為勞性，一心都為服務大眾為心中首要樂事，從無怨言‧就如香港老牌影后羅蘭姐所說，人家比面找你工作，自己做到的話又那好推卻呢‧雖然服務大眾要勞心勞力，心靈雖是得到滿足，但內心深處仍是渴望有一天可以找到心中的王子，安穩的生活下去‧皇天不負有心人，灰姑娘終在一次義工服務中跟心目中的王子遇上‧童話故事本應就此完結，他們從此便快快樂樂的生活下去，可是現實豈盡人意‧

在社會打滾，灰姑娘又怎沒見過世面，很多事情上都會有自己的想法，也不會像古代婦女的沒主見‧雖是如此，說到談情說愛，怎都會順著王子的，凡事都盡力量配合‧無他，都只因他是自己心目中的王子‧灰姑娘都相信，所有愛情都總要有一個磨合期，只要過得到這一關，她定必能成為真正的公主‧

交往得一些時日，灰姑娘感受越覺奇怪，也開始懷疑自己所選有否出錯‧王子的外左條件，真的是一個王子，但相處過後，總覺得王子的內裡比她自己更像一個公主‧王子要人家主動，要人家呵護，要人家 tum，也會發少爺仔脾氣，還會像小姐般的無理‧灰姑娘就覺得現實就像她跟一個 princess 在一起，莫非要攪 lesbian 乎？

在一次王子的極度無理取鬧的情況下，灰姑娘決定忍痛離開，因為她相信長此下去亦不是味兒‧試問有那一個童話故事，會有一個像刁蠻公主的王子呢？灰姑娘跑到街上，滿腦子都只是梁小姐的歌：
你得不到一切　
別在某天妄想如過去美麗
我那會是公主　
沒有羽扇但我高貴

咒怨丙丁

場景一：唱片店中二人通電話
人物：健健，浮花
健：喂，死閪‧你咪話要儲黎明既...
浮：唔係話儲，係好聽既我先 keep 番隻，我係有揀過架‧
健：得得得... 我係想話呀，我見到佢隻綠色 "sorry" 呀，要唔要呀？
浮："Sorry"？咩呀？唔知你話邊一隻喎，係乜嚟架？
健：有無攪錯呀，咁都唔知‧2000 年出架，白底坐係度拿住杯野好大個鞋底寫住 SONY 個字架？
浮：哦，第四首係 "中毒的愛情" 丫嘛‧
健：係有 "中毒的愛情"，不過係第一首，你話那只係紅色既，呢只係綠色，係混音大碟呀‧
浮：真係無印象喎，幾多錢先‧
健：五蚊，全新一樣，係我就過左攞番先‧
浮：是但啦，當買少枝綠茶啦‧
健：哎呀！DIULASING，為左攞番你只黎明呀，我扭到條腰呀‧頂‧
浮：哈哈哈，白痴‧

場景二：電影院門口
人物：健健，浮花，路人甲乙丙
健：浮花呢？
甲乙丙：到左啦，係嗰邊呀‧
浮：你好呀，好唔好睇呀個戲？
甲乙丙：都唔錯呀...
健：為免唔記得，比左啲丙丁你先‧
浮：嘩，又好多碟呀...
浮：咦？呢只黎明真係未見過喎，你有無聽過呀？
健：叫做放過入機 SCAN 過囉，前半只碟係跳舞 REMIX，同你偶像陳慧琳啲 "花花宇宙" 一樣囉‧
浮：哇吓，咁一定好好聽啦‧
健：好彩隻碟留左係我家一晚咋‧我呀，講到明呀，我屋企唔可以有黎明既唱片架嘛，幫你一買左咋，我就扭到腰呀，跟住琴日條腰痛左成晚，今朝都仲有事架‧但係話帶番出來比你，咁我今日就越行越順呀，等多一陣我諗我會好番啦‧
浮：你咪頼得就頼啦，你啲死老鬼呀，骨頭打鼓就真啦‧
甲乙丙：仲有咩碟呀... 哇！陳漢詩呀！
健：好聽架，佢係唱作人呀，全部都係佢自己....

場景三：健健在公司通電話
人物：健健，浮花
浮：我係公司好無聊等我老細呀，所以打來八呀‧
健：你等你老細係間房執好張梳化叫你入去咬蔗呀？
浮：係就好啦，我唔洗做得咁辛苦呀‧
健：咁你咪解底幾粒鈕話好熱呀... 咁囉‧
浮：我打來呀，話你知呀，我掉左你幫我買既黎明呀‧
健：做咩呀？又會掉左佢既‧
浮：呢隻呀，真係一隻 CURSED CD 呀！
健：吓？
浮：我今日瞓醒呀，就發覺條腰好痛呀，差啲起唔到身咁呀，我就諗起你個情況呀‧咁我就即刻攞番那只碟出來，仲要係拿出街掉左佢，之後返工‧返到左公司就無事啦‧幾邪呀.
健：哇~ 真係好邪喎‧咁五蚊啫，下次見到幫你買過囉‧可能係個丙丁自己都覺得五蚊太貴，有咒怨呀，如果三蚊既話可能會無事架‧
浮：唔要啦！容乜易又係咁呀，咪攪啦...

全文完‧

一個女人的小故事

她，終於榮升為母親這個重要的角色‧她所行的路不算太難，但也比其他人多一點點故事‧

問題家庭，由婆婆一手帶大‧對於父母，她都沒有特別的喜歡‧母親發績後，有找過她到自己的公司打工，但雙方性格剛烈，心裡的不快多的是‧忍受不了，知道依靠自己最實際，在一家證券公司打滾多年，有穩定收入，而且從行業中學會了錢賺錢繼而有一點點的積蓄‧但公司易手人事複雜，還是提早離開最為上算‧於此同時，母親亦知公司實需要有人接手處理事務，她再回去，人成熟了，許多事都知怎減少磨擦‧

從少到大，姑姑的不知何解的憎她姊妹們，成年了便急於自立生活去‧生活不算是好，但總算過得去‧一只耳朵聽不到聲音，但沒有對她有任何影响‧親姊姊性格古怪，最後都不想往來，另一個妹妹生活富足但心靈虛空自殺去‧傷心歸傷心，生活難過還雖過，心知過了這一陣子心情便會好一點‧最後她亦做到了‧

感情嘛，丈夫就是她的初戀情人‧別以為很浪漫，離離合合糾糾纏纏的十多年，不能說不累‧大家一直都知很愛對方，但生活相處不來就是不能再走下去‧直到人大了成熟了，才懂得兩個人怎樣相處才可以繼續愛下去‧結婚沒有擺喜宴，只是簽個名子吃過便飯便是了，但大家都為他們開心‧

丈夫喜歡小孩，亦希望有後代，戒煙戒酒努力閉門造車卻一無所獲，決定放棄後才忽然的開雙兩個一齊來‧朋友都會想，她道骨仙風的身材怎可以同時孕育兩個小生命在肚子內，身體就是神奇的，一個約只有一百磅的個體，卻同時誕下兩個小生命，一男和一女‧

她，胖了一點點，腹部還是隆隆的，但很美麗‧